„ზიზღი და ძალადობა ჩვენი საზოგადოებისთვის უცხოა“ - პრეზიდენტი გურამ კაშიას მხარდაჭერას უცხადებს

2017-10-30 19:21:16, 2067 ნახვა

კომენტარი

საქართველოს პრეზიდენტის გიორგი მარგველაშვილის განცხადებით, ეროვნული ნაკრების ვიცე-კაპიტნის გურამ კაშიას წინააღმდეგ აგორებული კამპანია მიუღებელია.

მარგველაშვილმა საზოგადოებას მოუწოდა ეთნიკური, რელიგიური კუთვნილებისა და სექსუალური ორიენტაციის მქონე ადამიანების მიმართ ტოლერანტულები იყვნენ.

"მიუღებელია გურამ კაშიას წინააღმდეგ აგორებული კამპანია.

ყველა ადამიანს აქვს გამოხატვის თავისუფლება, ჩვენ პატივი უნდა ვცეთ ადამიანის უფლებებსა და თავისუფლებებს. ვგმობ ძალადობის გამოვლინებას ნებისმიერი ფორმით.

მივესალმები სპორტული საზოგადოების ერთსულოვან მხარდაჭერას გურამ კაშიას მიმართ, ზიზღი და ძალადობა ჩვენი საზოგადოებისთვის უცხოა. ჩემი მხარდაჭერა საქართველოს ეროვნული საფეხბურთო ნაკრების ვიცეკაპიტანს და არნემის „ვიტესის“ კაპიტნს გურამ კაშიას", - განაცხადა მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები