თავისუფალი პლატფორმის წევრი ორგანიზაციის IDMC ხელმძღვანელის მიხეილ ჭიღლაძის განცხადებით, IDMC-ის დამკვირვებლის მიერ მოწოდებული ინფორმაციის თანახმად, რამდენიმე საარჩევნო უბანზე გარკვეული დარღვევები და გადაცდომები დაფიქსირდა.

როგორც დღეს სააგენტო „პირველში“ გამართულ პრესკონფერენციაზე ჭიღლაძემ აღნიშნა, ქუთაისის 64-ე საარჩევნო უბანზე, საუბნო საარჩევნო კომისია დაავიწყდა საკონტროლო ფურცელზე დროის მითითება და გაახსენდათ მაშინ, როცა უკვე 5 ამომრჩეველს ხმა ჰქონდა მიცემული.

„ოლქის მითითებით და კურატორის თანდასწრებით გახსნეს ყუთი და მიმდინარეობდა ამ პრობლემის აღმოფხვრა. კომისიამ დღის წესრიგში დააყენა აღნიშნული ბიულეტენების ბათილობის საკითხი. აღნიშულ საკითხთან დაკავშირებით ჩვენი დამკვირვებლის მიერ დაიწერა საჩივარი. ქუთაისის მე-40 უბანზე კი კომისიის რეგისტრატორმა წევრმა ამომრჩევლის ბარათით მოძებნა ამომრჩეველი სიაში და ამის შემდგომ გაუკეთა მარკირება. აღმოჩნდა რომ ეს ამომრჩეველი არ იყო ამ უბნის ამომრჩეველი და მარკირება გაუკეთეს არასწორად. აღნიშნულ საკითხთან დაკავშრებით ჩვენი დამკვირვებლის მიერ დაიწერა საჩივარი“, -განაცხადა პრესკონფერენციაზე ჭიღლაძემ.

მისივე ცნობით, თბილისში, ვაკის საარჩევნო ოლქის მე-60 საუბნო საარჩევნო კომისიაში რეგისტრატორმა 3 ბიულეტენს წინასწარ მოაწერა ხელი და დაარტყა ბეჭედი.

„თბილისში დაკვირვებას ვახორციელებთ მობილური ჯგუფის და 20-მდე დამკვირვებლის მეშვეობით. იმერეთის რეგიონში, ასევე თბილისში, ვაკის ოლქში ამ ეტაპზე ფიქსირდება დაბალი აქტივობა და ამომრჩეველს მოვუწოდებთ მაღალი აქტივობისაკენ. მიუხედავად გარკვეული დარღვევების იდენტიფიცირებისა, ამ ეტაპზე არჩევნები მიმდინარეობს წყნარ, მშვიდ გარემოში და კანონმდებლობის დაცვით“,- განაცხადა IDMC-ის წარმომადგენელმა.

თავისუფალი პლატფორმის ალიანსის ფარგლებში სარჩევნო უბნებზე მონიტორინგს IDMC-ის 150-მდე დამკვირვებელი ახორციელებს.

(NS)

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე