2017-10-16 12:22:56, 2046 ნახვა
მსოფლიო
ვიეტნამში წყალდიდობის შედეგად დაღუპულთა რიცხვი 68-მდე გაიზარდა
ვიეტნამში წყალდიდობის შედეგად დაღუპულთა რიცხვი 68-მდე გაიზარდა, - ამის შესახებ VnExpress იუწყება.
მედია საშუალების ინფორმაციით, სტიქიის შედეგად 34 ადამიანი დაკარგულად ითვლება.
ამასთან, სტიქიამ ქვეყნის 7 პროვინციაში დაახლოებით 34 000 სახლი და 22 000 ჰექტარი ბრინჯის მოსავალი გაანადგურა.
როგორც სააგენტო წერს, ვიეტნამში საგანგებო მდგომარეობაა გამოცხადებული, სხვადასხვა პროვინციიდან მოსახლეობის ევაკუაცია მიმდინარეობს. 5 ათასზე მეტმა ადამიანმა საკუთარი საცხოვრებელი ადგილი უკვე დატოვა.
ცნობისთვის, შარშან ტროპიკული შტორმის და წყალდიდობის გამო ვიეტნამში 264 ადამიანი დაიღუპა. ზარალმა 1.75 მილიარდი შეადგინა.
![]()
ავტორი: ,
epn.ge (@expressnews.ge)
