აჭარის მთავრობის თავმჯდომარემ ზურაბ პატარაძემ ბულგარეთის ელჩთან საქართველოში დესისლავა ივანოვა-კოზლევასთან გაცნობით ხასიათის შეხვედრა გამართა.

აჭარის მთავრობის ადმინისტრაციის პრესსამსახურის ინფორმაციით, შეხვედრაზე დადებითად შეფასდა ორ ქვეყანას შორის არსებული თანამშრომლობა და გამოითქვა მზადყოფნა საქართველოსა და ბულგარეთის რეგიონებს შორის საგანმანათლებლო და კულტურულ სფეროებში ერთობლივი პროექტების დაგეგმვისა და განხორციელების.

ბულგარეთსა და საქართველოს შორის დიპლომატიური ურთიერთობები  1992 წლის 5 ივნისს დამყარდა. ქვეყანა მხარს უჭერს საქართველოს სუვერენიტეტსა და ტერიტორიულ მთლიანობას, ევროპული და ევრო-ატლანტიკური ინტეგრაციის პროცესს. სავაჭრო ბრუნვის მიხედვით ბულგარეთი საქართველოს უმსხვილეს პარტნიორთა პირველ ათეულშია. 2017 წლის 6 თვის მონაცემებით, ბულგარეთსა და საქართველოს შორის სავაჭრო ბრუნვა 28%-ით გაიზარდა. საქართველოში მოქმედებს 20-მდე ბულგარული კომპანია. მათ შორის სამი - ბათუმში.

დესისლავა ივანოვა-კოზლევა საქართველოში ბულგარეთის ელჩად დანიშვნამდე, 2000-2016 წლებში ბულგარეთის რესპუბლიკის საგარეო საქმეთა სამინისტროში მუშაობდა. 1994 წლიდან ეკავა სხვადასხვა საპასუხისმგებლო თანამდებობა. არის ისტ ანგლიის უნივერსიტეტის (ლონდონი) საერთაშორისო ბიზნესისა და დიპლომატიის მაგისტრანტი. ფლობს სამ ენას.

(NS)

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება