თბილისის მერობის დამოუკიდებელმა კანდიდატმა ალეკო ელისაშვილმა თავისი გუნდის ნაწილი წარადგინა. ელისაშვილის თქმით, მასთან ერთად იმუშავებენ ადამიანები, რომლებიც თბილისის გადასარჩენად თავდაუზოგავი შრომისთვის მზად არიან.

" "ნაციონალური მოძრაობის და "ქართული ოცნების" მმართველობის 15 წლის თავზე მივიღეთ ქალაქი, სადაც ჰაერი გვშხამავს, სადაც გადაადგილება შეუძლებელია, არ არსებობს ტროტუარი, სამანქანე გზა, დანჯღრეულია საზოგადოებრივი ტრანსპორტის  სისტემა, შეურაცხმყოფელი ტრანსპორტი დადის ქალაქში, ხეები აღარ დარჩა, ეს უნდა დავასრულოთ და ჩვენი გუნდის თითოეული მოქალაქის თავდაუზოგავი შრომით უნდა ვაქციოთ ეს ქალაქი ნორმალურ, ჯანსაღ საცხოვრებელ სივრცედ",-განაცხადა ალეკო ელისაშვილმა და დასძინა, რომ პროფესიონალი და კეთილსინდისიერი ადამიანები შეარჩია.
კერძოდ, ალეკო ელისაშვილმა  საკუთარ გუნდის წევრებად წარადგინა:  დავით ნიკოლაიშვილი, რომელიც არის ურბანისტი,  ვატო სურგულაძე-საზოგადოებრივი ჯანდაცვის სპეციალისტი, დევი ტაბიძე-მედიცინის აკადემიური პროფესორი,  გარემოსდამცველი ნატო კირვალიძე, არქიტექტორ-რესტავრატორი ნინო კორძახია,  არქიტექტორი   სანდრო სარალიძე, ნინო ოქრუაშვილი, რომელიც  სამუზეუმო მენეჯმენტის სპეციალისტია,  იურისტები- ირაკლი ჯუღელი და ივანე ნორაკიძე.

ავტორი: ,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება