8 ოქტომბერს, 12:00 საათიდან „SPACEHALL”-ში (მისამართი: აკაკი წერეთლის 2), საქართველოში უკვე მეორედ, GIPA-ს ორგანიზებით სარეკლამო ინდუსტრიაში ერთ-ერთი ყველაზე მნიშვნელოვანი ივენთი Portfolio Review ჩატარდება. ამავე საღამოს, GIPA-ს ტრენინგების და კონსულტაციების ცენტრის კურსდამთავრებულთა დაჯილდოების მეთორმეტე ყოველწლიური ცერემონია გაიმართება.

Portfolio Review ეს არის ღია ღონიძიება, რომელშიც მონაწილეობის მიღება სარეკლამო ინდუსტრიით და ვიზუალური კომუნიკაციით დაინტერესებულ ყველა ახალგაზრდას შეუძლია (ასაკი:18-28). დაინტერესებული პირები რეგისტრაციისთვის უნდა ეწვიონ ვებგვერდს: portfolioreviewtbilisi.gipa.ge. მონაწილეობის მიღება უფასოა.

Portfolio Review-ს მიზანია შემოქმედებით ახალგაზრდებს საშუალება მისცეს (face to face) საკუთარი ნამუშევრები დარგის პროფესიონალებს წარუდგინონ (კრეატიული და არტ დირექტორები, კოპირაიტერები, დიზაინერები) და მათგან კონსტრუქციული შეფასებები და რჩევები მოისმინონ, რაც თავის მხრივ,  მონაწილეებს განვითარებაში დაეხმარება.

Portfolio Review მოიცავს შემდეგ მიმართულებებს: არტ დაირექშენი, კოპირაიტინგი, ფოტო, ვიდეო, დიზაინი, ილუსტრაცია.

კონსტრუქციულ შეფასებასთან ერთად, მონაწილეებმა შესაძლოა მიიღონ სამუშაო ადგილის შეთავაზება. ასევე, ჟიურის შეფასებების საფუძველზე, გამოვლინდება სამი საუკეთესო პორტფოლიოს ავტორი.

ივენთის ბოლო, დასკვნით ნაწილში დაჯილდოვდებიან საუკეთესო პორტფოლიოს ავტორები, 2016-17 სასწავლო წლის GIPA-ს ტრენინგების და კონსულტაციების ცენტრისა და ხელოვნების საბაკალავრო პროგრამის საუკეთესო ლექტორები და სტუდენტები.

(R)

ავტორი: ,

სოციალური ქსელები

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა

მერცის განცხადებით, გერმანიამ Tomahawk-ის რაკეტების შესყიდვის შესახებ აშშ-სთან შეთანხმებას მიაღწია