2017-09-27 14:09:58, 2550 ნახვა
მსოფლიო
ქაბულის აეროპორტში აფეთქების გამო მგზავრთა ევაკუაცია განხორციელდა
ქაბულის საერთაშორისო აეროპორტთან ახლოს სარაკეტო დარტყმები განხორციელდა, - ამის შესახებ Tolo News იუწყება.
მედია საშუალების ინფორმაციით, დაბომბვის გამო, აეროპორტის ადმინისტრაციამ ყველა რეისი გააუქმა და მგზავრთა ევაკუაცია განახორციელა.
აღსანიშნავია, რომ ამ დრომდე დაშავებულთა ან დაღუპულთა შესახებ ინფორმაცია არ გავრცელებულა.
ამასთან, მედია წერს, რომ ქაბულში განხორციელებული სარაკეტო დარტყმა პენტაგონის ხელმძღვანელის ჯეიმს მეტისისა და ნატოს გენერალური მდივნის იენს სტოლტენბერგის ვიზიტს უკავშირდება.
როგორც მედია იტყობინება, მომხდარზე პასუხისმგებლობა "თალიბანმა" აიღო. ტერორისტებს პენტაგონის ხელმძღვანელის ჯეიმს მეტისის მოკვლა სურდათ.
ცნობისთვის, ჯეიმს მეტისი და იენს სტოლტენბერგი ქაბულში ქვეყნის ხელისუფლებასთან მოლაპარაკებების გამართვის მიზნით ჩავიდნენ.
![]()
ავტორი: ,
epn.ge (@expressnews.ge)
