თამარაშვილის 13 ნომერში მიმდინარე საპროტესტო აქციაზე თბილისის მერიის ეკოლოგიისა და გამწვანების  სამსახურის უფროსი ბიძინა გიორგობიანი მივიდა.

გიორგობიანმა ხეების მოჭრის გამო პასუხისმგებლობა მთლიანად კომპანია "არქი ჯგუფს" დააკისრა და განაცხადა, რომ ხეების მოჭრის თაობაზე ნებართვა  არსებობდა, თუმცა ის საკრებულოს მიერ გაცემული არ იყო.

"ხეების მოჭრა არის შეჩერებული და ვიდრე არ იქნება აღნიშნული საკითხი განხილული საკრებულოში,  მანამდე ეს პროცესი აღარ გაგრძელდება.თუ რაიმე დაშავებულია პასუხისმგებლობას აიღებს ის, ვინც დააშავა.ჩემი პასუხისმგებლობის საკითხი შეუძლია დააყენოს საკრებულომ და დედაქალაქის მერმა",-განაცხადა ბიძინა გიორგობიანმა.

ცნობისთვის, თამარაშვილის ქუჩის 13 ნომერში მიმდინარე მშენებლობის გამო,  რამდენიმე მრავალწლიანი ხე მოჭრეს,  30-მდე ხის მოჭრა კი, იგეგმება.  მოსახლეობა ხეების მოჭრაზე პასუხისმგებლობას თბილისის მერსა და თბილისის მერიის ეკოლოგიისა და გამწვანების  სამსახურის უფროსს, ბიძინა გიორგობიანს აკისრებს. ადგილობრივების მხარდასაჭერად  იპოდრომის მიმდებარე ტერიტორიაზე დღეს თბილისის საკრებულოს დამოუკიდებელი დეპუტატი ალეკო ელისაშვილიც იმყოფებოდა. ელისაშვილს თავდაპირველად  ტერიტორიაზე, სადაც ხეები  მოიჭრა,  არ უშვებდნენ, რასაც ხმაური მოჰყვა. დეპუტატის განცხადებით, ამგვარი ნებართვის გაცემის შემდეგ, ბიძინა გიორგობიანმა და დავით ნარმანიამ  თანამდებობები  უნდა დატოვონ.

არსებული ინფორმაციით, თამარაშვილის ქუჩაზე   კომპანია "არქი ჯგუფი"  პროექტ "გრინ სითის" ახორციელებს. თამარაშვილის 13 ნომერში  ამ დროისთვის სიმშვიდეა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო