„ჩვენ რთულ დროს ვცხოვრობთ, როცა სულიერი ფასეულობის გადაფასება ხდება“, – ამის შესახებ სრულიად საქართველოს კათოლიკოს პატრიარქმა ილია მეორემ სამების საკათედრო ტაძარში საკვირაო ქადაგებისას ბრძანა.

„გადადგმულია დიდი ნაბიჯები წინ მეცნიერებაში, ტექნიკაში , მაგრამ ამავე დროს, გადადგმულია უზარმაზარი ნაბიჯები უკან. ნაკისრია დიდი მოვალეობა, დიდი პასუხისმგებლობა, დავეხმაროთ ჩვენს ხალხს“, – აღნიშნა ილია მეორემ.

საქართველოს პატრიარქმა საკვირაო წირვა სრულიად ამერიკისა და კანადის მიტროპოლიტ ტიხონთან ერთად აღავლინა.

„ ბედნიერი ვართ, ვხედავთ, რომ აშშ მეგობარია საქართველოსი, ჩვენ დიდად ვაფასებთ აშშ–ს დახმარებას“, – ბრძანა ილია მეორემ.

მიტროპოლიტმა ტიხონმა ილია მეორეს საქართველოში მოწვევისთვის მადლობა გადაუხადა.

 „მადლიერი ვარ თქვენი და თქვენი ეკლესიის თბილი მიღებისთვის  და სტუმართმოყვარეობისთვის, იმ მზრუნველობისთვის, რომელსაც ჩვენი ეკლესიისთვის ყოველთვის იჩენდით.  მადლიერი ვარ იმ თბილი მოგონებებისთვის, რომელიც უკავშირდება თქვენს ვიზიტს აშშ–ში 1998 წელს, როცა წმინდა ტიხონის მონასტერში იმყოფებოდით, პენსილვანიაში, სადაც მე, როგორც ბერი 18 წლის განმავლობაში ვცხოვრობდი.  მადლიერი  ვარ სიმდაბლით, სავსე და  შთაგონებული საქართველოს წმინდა ეკლესიის მოწამეობრივი გზით 2000 წლის განმავლობაში, მასშტაბი ამ მოწამეობისა განსაცვიფრებელია. ძალიან ბევრი მორწმუნე ამერიკაში მართლმადიდებელ ქრისტიანობაზე ახლად მოქცეულია, რომელთაც მართლმადიდებლობასთან კავშირი არ ჰქონიათ. მათ ჩემს მსგავსად  აღმოაჩინეს სიცოცხლე ქრისტეში, რაც საქართველოს ეკლესიამ საუკენეების განმალობაშ იცოდა, იცავდა და თაობიდან თაობას გადასცა“, – აღნიშნა მიტროპოლიტმა ტიხონმა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო