ამერიკის შეერთებული შტატები მზადყოფნას გამოთქვამს, ხანძრის სალიკვიდაციო სამუშაოებში ჩაერთოს. ამის შესახებ ჟურნალისტებს აშშ-ს ელჩმა საქართველოში იან კელიმ განუცხადა.

მისი თქმით, სიტუაცია რთულია და აშშ-ს სურს, დაეხმაროს საქართველოს, რათა ხანძრის ლიკვიდაცია დროულად მოხდეს.

„ფიქრით და ლოცვით მეხანძრეებთან ვართ. ეს ულამაზესი რეგიონია საქართველოში“,-აღნიშნა იან კელიმ.

უშუალოდ სოფელ დაბაში 5 სახანძრო ბრიგადაა მობილიზებული, ვინაიდან ცეცხლი დასახლებულ პუნქტს ძალიან მიუახლოვდა.

მეხანძრე-მაშველები მუშაობენ, რათა ცეცხლი არ გავრცელდეს საცხოვრებელ სახლებზე და საფრთხე არ შეექმნას მოსახლეობას. ბორჯომის მუნიციპალიტეტში, სოფელ დაბას მიმდებარე ტერიტორიაზე და მთის ფერდობებზე გაჩენილი ხანძრის სალიკვიდაციო სამუშაოები უწყვეტ რეჟიმში მიმდინარეობს.
შემთხვევის ადგილზე მუშაობს შსს-ს საგანგებო სიტუაციების მართვის სააგენტოს 400-მდე მეხანძრე-მაშველი და რამდენიმე ათეული სახანძრო-სამაშველო ტექნიკა. ცეცხლის სალიკვიდაციო სამუშაოებში, ასევე, მონაწილეობს შსს-ს განსაკუთრებულ დავალებათა დეპარტამენტის 550 თანამშრომელი, შსს-ს სასაზღვრო პოლიციის 2 და აზერბაიჯანის 1 ვერტმფრენი. ასევე თურქეთიდან მომავალი 2 ვერტმფრენი უკვე ბათუმშია და ისინიც ჩაერთვებიან სახანძრო ოპერაციაში.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”