2017-08-09 13:03:47, 2750 ნახვა
მსოფლიო
ჩინეთში მიწისძვრის შედეგად დაღუპულთა რიცხვი 19-მდე გაიზარდა
ჩინეთის პროვინცია სიჩუანში მომხდარი მიწისძვრის შედეგად დაღუპულთა რიცხვი 19-მდე გაიზარდა, - ამის შესახებ Reuters იუწყება.
მედია საშუალების ინფორმაციით, დაღუპულთა შორის 6 ტურისტია.
ამასთან, როგორც მედია სამართალდამცველებზე დაყრდნობით იტყობინება, მიწისძვრის შედეგად დაშავებულთა რიცხვი 247-მდეა გაზრდილი.
ცნობისთვის, პროვინცია სიჩუანში მიწისძვრები პერიოდულად ხდება, ყველაზე მასშტაბური კი, 2008 წლის მაისში მოხდა, რის შედეგადაც თითქმის 70 ათასი ადამიანი დაიღუპა.
შეგახსენებთ, რომ ჩინეთში 7-ბალიანი მიწისძვრა გუშინ მოხდა. ამ დროისთვის მიმდებარე ტერიტორიებიდან მოსახლეობის ევაკუაცია დასრულდა. ექსპერტების ვარაუდით მოსალოდნელია განმეორებითი ბიძგები.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
