„აგვისტოში ქუთაისის ახალი ტერმინალის მშენებლობასთან დაკავშირებით, ძალიან მნიშვნელოვანი პროექტი იწყება“,-ამის შესახებ პრემიერ-მინისტრმა გიორგი კვირიკაშვილმა მთავრობის სხდომის დაწყების წინ  განაცხადა.

როგორც კვირიკაშვილმა აღნიშნა, პროექტი ძალიან მნიშვნელოვანია და ერთდროულად 6  რეისს მოემსახურება.

„ქუთაისის აეროპორტის ახალი ტერმინალის მშენებლობასთან დაკავშირებით, ძალიან მნიშვნელოვანი პროექტი იწყება აგვისტოში. ტერმინალის გაფართოების პროექტი, ქუთაისის აეროპორტს მისცემს საშუალებას, ერთდროულად 6 რეისს მოემსახუროს. ეს პროექტი რკინიგზის ახალ პროექტთან კომბინაციაშია, რომელიც ითვალისწინებს სარკინიგზო ბაქნის მშენებლობას აეროპორტის ჭიშკრის წინ, ვფიქრობთ, რომ ქუთაისის აეროპორტს მისცემს საშუალებას, უფრო მეტ მგზავრს მოემსახუროს. 92%-ით არის გაზრდილი მგზავრთა ნაკადი წლის დასაწყისიდან და ეს რა თქმა უნდა ერთი მხრივ არის ვიზალიბერალიზაციის შედეგი, ხოლო მეორე მხრივ ტურიზმის მიმართულებით ძალისხმევის მნიშვნელოვანი შედეგი”,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა