ბრიტანული გამოცემა The Independent რუსეთის მიერ საქართველოში საოკუპაციო ხაზის გადმოწევას გამოეხმაურა.

როგორც გამოცემის მიერ გამოქვეყნებულ მასალაშია ნათქვამი, რუსეთმა საქართველოს მთავრობის მიერ კონტროლირებად ტერიტორიაზე საოკუპაციო ხაზი რამდენიმე ასეული მეტრით გადმოწია.

გამოცემამ იმ გარემოებას გაუსვა ხაზი, რომ აღნიშნული ინციდენტი, ვლადიმერ პუტინისა და დონალდ ტრამპს შორის პირველ შეხვედრამდე რამდენიმე კვირით ადრე მოხდა.

მასალაში ასევე საქართველოს სახელმწიფო უსაფრთხოების კომენტარია მოყვანილი, სადაც უწყება რუსეთის ქმედებებს არალეგალურს უწოდებს.

გამოცემა ქვეყნის პრეზიდენტის გიორგი მარგველაშვილის კომენტარსაც ავრცელებს.

"საქართველოს პრეზიდენტი მოუწოდებს საერთაშორისო ორგანიზაციებს, რომ რუსეთის ქმედებები დაგმონ და აღნიშნავს, რომ საქართველო ყველა დიპლომატიურ ბერკეტს გამოიყენებს, იმისათვის, რომ ოკუპაცია შეწყდეს", - წერია მასალაში.

ამასთან, ნატო-ში აშშ-ის ყოფილმა წარმომადგენელმა კურტ ვოლკერმა დასავლეთს მოუწოდა, მოსკოვს დაუპირისპირდნენ.

"რუსეთი გაცილებით სუსტ პოზიციაშია, მაგრამ მაინც შეძლო აგრესიული პოლიტიკის გატარება, რადგან იმედი ჰქონდა, რომ ჩვენ მათ მტკიცედ არ ვუპასუხებდით“, - განაცხადა კურტ ვოლკერმა.

სტატიის ბექგრაუნდში შექმნილი ვითარების პრე-ისტორიას ვკითხულობთ:

"1991 წელს საბჭოთა კავშირის დაშლის შემდეგ, სამხრეთ ოსეთი საქართველოს გამოეყო. 2008 წლის აგვისტოში, რუსეთმა სამხედროები სამხრეთ ოსეთის ტერიტორიაზე გაგზავნიდა და ეს ქმედება იმით ახსნა, რომ იქ მცხოვრები მოსახლეობის უსაფრთხოებას უზრუნველყოფდა და იცავდა საქართველოს ძალებისგან. საქართველო, რომელსაც მხარს ამერიკა და ევროკავშირი უჭერს, აცხადებდა, რომ რუსეთი მისი ტერიტორიების ანექსიას ახორციელებს. აგვისტოს ომის შემდეგ, რუსეთმა სამხრეთ ოსეთი დამოუკიდებელ სახელმწიფოდ აღიარა. რუსეთის გარდა, სამხრეთ ოსეთის დამოუკიდებლობას მხოლოდ რამდენიმე ქვეყანა აღიარებს. ისინი ვინც რუსეთს აკრიტიკებენ, აცხადებენ, რომ ფაქტი რომელის სამხრეთ ოსეთში მოხდა, მხოლოდ გენერალური რეპეტიცია იყო იმისა, თუ რას მოიმოქმედებდა რუსეთი უკრაინაში, კერძოდ კი ყირიმში", - ნათქვამია სტატიაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია