გადაუღებელი წვიმის შედეგად, ადიდებულმა მდინარე ჩვეშურმა ონის რაიონში, სოფელ ღებთან დამაკავშირებელი გზა წაიღო.

როგორც „ექსპრესნიუსს“ ონის მუნიციპალიტეტის გამგეობის საზოგადოებასთან ურთიერთობის სამსახურში განუცხადეს, ადგილზე მობილიზებულია შესაბამისი ტექნიკა, თუმცა სამუშაოების დაწყება მდინარის ადიდების გამო ვერ ხერხდება.

„სოფელ ღებში მიმავალი გზა, რომელიც უკავშირდება მუნიციპალიტეტს, გუშინ გაწმენდილი იყო, მაგრამ დღეს მდინარე ჩვეშური ადიდდა და გზა დაფარა. ელოდებიან წყლის დონის დაკლებას, რომ მოხდეს გაწმენდითი სამუშაოების ჩატარება.

რაც შეეხება ჭიორა-საგლოლოს მონაკვეთს, აქ წარმოქმნილი ღვარცოფები და მეწყრული კერები გაწმენდილია და გადაადგილება თავისუფლად არის შესაძლებელი. ამ ეტაპისთვის მობილიზებულია შესაბამისი ტექნიკა და აქაც მდინარის დონის დაკლებასაც ელოდებიან, რომ მოხდეს სამუშაოების ძირეულად ჩატარება“,-აცხადებენ ონის მუნიციპალიტეტის გამგეობაში.

მათივე ინფორმაციით,  დატბორილია სასოფლო სამეურნეო სავარგულებიც.

„გარკვეულ ნაწილებზე დატბორილია  სასოფლო სამეურნეო სავარგულები. ამ ეტაპზე არ ყოფილა დაფიქსირებული ფაქტი იმისა, რომ მდინარეს გადმოელახა კალაპოტი და შესულიყო საცხოვრებელ სახლებში ან ეზოებში“,-აცხადებენ პრესსამსახურში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო