საქართველოს პრემიერ-მინისტრის გიორგი კვირიკაშვილის განცხადებით, შავი ზღვის აკვატორიაზე, ხუთბალამდე შტორმის დროს, გუშინ  მაშველებმა საკუთარი სიცოცხლის ფასად  20 ადამიანი გადაარჩინეს, მათ შორის  ორი უცხო ქვეყნის მოქალაქე იყო.

პრემიერის შეფასებით, აღნიშნული თავდადება  დასაფასებელია.

მთავრობის მეთაური შსს-ს მიმართავს,  მათი სათანადოდ დაჯილდოება და წახალისება უზრუნველყონ:

„ეს ძალიან მნიშვნელოვანია, რადგან ეს ადამიანები, საკუთარ სიცოხცხლეს რისკავენ სხვათა სიცოცხლის გადასარჩენად და ეს არის საპატიო საქმე. კიდევ ერთხელ ვამბობ, ძლაიან საამაყოა, რომ ასეთი მაღალპროფესიონალი მაშველები გვყავს და ასევე მფრინავები, რომლებმაც სასწაული შეძლეს გუშინ”,-განაცხადა გიორგი კვირიკაშვილმა.

მან ასევე  მადლობა გადაუხადა ყველა მეხანძრე-მაშველს, რომლებიც რამდენიმე დღის წინ ელიავას ბაზრობაზე ხანძრის ჩაქრობაში მონაწილეობდნენ:’

„150 -მდე მაშველი იყო და ეს ადამიანები ნამდვილად არიან მადლობის ღირსი, ძალიან ეფექტური ოპერაციის გამო, რადგან მცირე პერიოდში არ გავრცელდა ცეცხლი, თორემ ზარალი იქნებოდა გაცილებით უფრო დიდი და რადმენადაც მე ვიცი, რამდენიმე მათგანმა დაზიანებაც მიიღო",-აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს