სოციალურად დაუცველ მოქალაქეებს, რომელთაც ქრონიკული დაავადებები აწუხებთ, დღეიდან უკვე შეეძლებათ ჯანდაცვის სამინისტროს ახალი პროგრამის ფარგლებში მედიკამენტების სიმბოლურ ფასად მიღება.

პირველმა ბენეფიციარებმა საჭირო მედიკამენტები დღეს „პე-ეს-პეს“ შესაბამისი აფთიაქიდან პირველად შეიძინეს და 3 თვის სამყოფ დოზაში მინიმუმ 5 თეთრი და მაქსიმუმ 1 ლარი გადაიხადეს.

წამლების გაცემის პირველ დღეს ბენეფიციარებს და აფთიაქის თანამშრომლებს ჯანდაცვის მინისტრის მოადგილე და სოციალური მომსახურების სააგენტოს დირექტორი ზაზა სოფრომაძე პირადად შეხვდა.  მედიკამენტების გაცემის პროცესისა და პროგრამის დაწყების მონიტორინგის  მიზნით, მან  ბენეფიციარების და „პე-ეს-პეს“ წარმომადგენელთა მოსაზრებები მოისმინა. 

ჯანდაცვის სამინისტროს ინფორმაციით, თბილისში ჯერ-ჯერობით „პე-ეს-პეს“ 5 აფთიაქი მოემსახურება  ქრონიკული დაავადებების სამკურნალო მედიკამენტებით უზრუნველყოფის პროგრამას, პაციენტები კი პირველ ეტაპზე 13 დასახელების, საერთაშორისო სტანდარტების მედიკამენტებს მიიღებენ.

ქრონიკული დაავადებების სამკურნალო მედიკამენტებით უზრუნველყოფის პროგრამაში ჩართვა შეუძლიათ მოქალაქეებს, რომელთა სარეიტინგო ქულა სოციალურად დაუცველთა ბაზაში არ აღემატება 100 000-ს და აწუხებთ შემდეგი ქრონიკული დაავადებები: გულ-სისხლძარღვთა დაავადებები; ფილტვის ქრონიკული დაავადებები; ფარისებრი ჯირკვლის დაავადებები; დიაბეტის ტიპი 2 (არაინსულინდამოკიდებული).

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა