საგარეო საქმეთა მინისტრი მიხეილ ჯანელიძე საქართველოში დაგეგმილ აშშ-ს ვიცე-პრეზიდენტის ვიზიტს გამოეხმაურა.

 მისი შეფასებით, მაიკლ პენსის ვიზიტი საქართველოსა და ამერიკას შორის ძალიან მჭიდრო თანამშრომლობის, სტრატეგიული პარტნიორობის კიდევ ერთი დადასტურებაა.

 „ჩვენ პირველივე ეტაპზე ძალიან ახლო და კარგი კონტაქტი დავამყარეთ ამერიკის ახალ ადმინისტრაციასთან, ასევე გვქონდა სიღრმისეული განხილვა ჩვენი სტრატეგიული პარტნიორობის და საქართველოში ვიცე-პრეზიდენტის ვიზიტი ასეთ მოკლე პერიოდში არის დასტური, რომ საქართველო და აშშ ერთად გააგრძელებენ სტრატეგიული პარტნიორობის გაძლიერებასა და გაღრმავებას. ეს არის მნიშვნელოვანი პოლიტიკური სიგნალი, ჩვენ მაქსიმალურად შევეცდებით, რომ ეს ვიზიტი იყოს მნიშვნელოვანი შედეგების მომტანი ჩვენი ქვეყნისთვის. მინდა, ასევე ხაზი გავუსვა იმ ფაქტს, რომ ეს ვიზიტი იმართება ესტონეთში, მონტენეგროსა და საქართველოში, რაც ხაზს უსვამს, რომ საქართველო იმ ქვეყნების რიგშია, რომელთანაც აშშ-ს განსაკუთრებულად სტრატეგიული და ახლო ურთიერთობები აქვს”,-აღნიშნა მიხეილ ჯანელიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ