ნარმანია: ავტომანქანების ტექდათვალიერებასთან დაკავშირებული საკითხების მომზადება დაწყებულია

2017-06-27 11:23:38, 2217 ნახვა

კომენტარი

თბილისის მერის დავით ნარმანიას ინფორმაციით, ავტომანქანების ტექნიკურ დათვალიერებასთან დაკავშირებული საკითხების მომზადება უკვე დაწყებულია.

როგორც მერმა ჟურნალისტებს განუმარტა, შესაბამისი გრაფიკით დაგეგმილი ღონისძიებები ეტაპობრივად, უახლოეს მომავალში განხორციელდება.

დავით ნარმანიამ აღნიშნული საკითხის მნიშვნელობაზე ისაუბრა:

„სახელმწიფომ გადადგა ძალიან მნიშვნელოვანი ნაბიჯები და დაწყებულია ავტომანქანების ტექდათვალიერებასთან დაკავშირებული საკითხების მოგვარება. ეს თითოეული ჩვენთაგანის ჯანმრთელობაზე პირდაპირ დადებით ასახვას ჰპოვებს. მნიშვნელოვანია, რომ ყველა უწყება არის ერთ აზრზე. შესაბამისი გრაფიკით განხორციელდება დაგეგმილი ღონისძიებები. ტექდათვალიერება უზრუნველყოფს ერთის მხრივ კომფორტს და უსაფრთხოებას ჯანმრთელობის თვალსაზრისით, მეორეს მხრივ კი, დადებითად აისახება ქვეყნის გარემოზე“, - განაცხადა დავით ნარმანიამ.

რაც შეეხება ტაქსებთან დაკავშირებულ რეგულაციებს, თბილისის მერმა აღნიშნა, რომ ამ საკითხზე მუშაობა დედაქალაქის მერიაში უკვე დაწყებულია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან