2017-06-22 16:19:38, 2975 ნახვა
საზოგადოება მსოფლიო
ისრაელის შს მინისტრი: ქვეყანაში 79 ათასი არალეგალი მიგრანტი იმყოფება, ძირითადად საქართველოს და უკრიანის მოქალაქეები არიან
ისრაელის შინაგან საქმეთა მინისტრის არიე დერის განცხადებით, ქვეყანაში 79 ათასი არალეგალი მიგრანტი იმყოფება, მათი ძირითადი ნაწილი კი საქართველოდან და უკრაინიდანაა, - ამის შესახებ Jpost იუწყება.
მინისტრის თქმით, სახელმწიფო არალეგალურად მცხოვრები მიგრანტების ქვეყნიდან გაძევების საკითხს განიხილავს.
როგორც დერიმ განმარტა, საქართველოდან და უკრაინიდან ჩამოსული ტურისტები ბენ-გურიონის აეროპორტიდან ავტობუსებით მიჰყავთ თელ-ავივში თავშესაფრის შესახებ განცხადებების მიღების ოფისში.
„ამგვარი განცხადების შეტანის შემდეგ მათი დეპორტირება შეუძლებელია, იქამდე სანამ კომისია განაცხადს არ განიხილავს და ოფიციალურ პასუხს არ გასცემს“, - განაგრძო დერიმ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
