2017-06-12 09:54:06, 2338 ნახვა
მსოფლიო
საფრანგეთში ბიულეტინების 90%-ის დათვლის შედეგად, კვლავ მაკრონის პარტია ლიდერობს
საფრანგეთში ბიულეტინების 90% დათვლილია. ადგილობრივი მედიის ინფორმაციით, პირველ ადგილს კვლავ პრეზიდენტ ემანუელ მაკრონის პარტია „რესპუბლიკა წინ“ იკავებს. ამ დროის მონაცემებით, მას ხმების 27.59% აქვს მოგროვილი.მეორე ადგილზე არიან რესპუბლიკელები- 15.76 %, ხოლო მესამე ადგილს ხმათა 13.81%-ით „ეროვნული ფრონტი“ იკავებს.
ფრანგი ამომრჩევლები ეროვნული ასამბლეის 577 წევრს მაჟორიტარული სისტემით აირჩევენ.
გამოკითხვების თანახმად, საფრანგეთის საპარლამენტო არჩევნების პირველ ტურში პრეზიდენტ ემანუელ მაკრონის მოძრაობა „რესპუბლიკა წინ“ ლიდერობს.
საპარლამენტო არჩევნების საბოლოო გამარჯვებული მეორე ტურში 18 ივნისს გაირკვევა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
