აჭარის ჯანდაცვის სამინისტროსა და ,,ქალთა ოთახებს’’ შორის თანამშრომლობა მალე დაიწყება.

აღნიშნულ საკითხზე აჭარის ჯანდაცვის მინისტრ ზაალ მიქელაძესთან შეხვედრაზე ქალთა ოთახის მენეჯერები და ,,კავკასიის ალიანსების პროგრამის’’ წარმომადგენლები იმყოფებოდნენ.

სამინისტროს ცნობით, ზაალ მიქელაძე „ქალთა ოთახის“ სერვისს პირველად ქობულეთის მუნიციპალიტეტში გაეცნო, სადაც თანამშრომლობის იდეა გაჩნდა.

,,ქალთა ოთახები’’ აჭარის ხუთ მუნიციპალიტეტსა და აჭარის სავაჭრო სამრეწველო პალატაში ფუნქციონირებს. იგი წარმოადგენს ახალ მუნიციპალურ სერვისს, რომელიც გულისხმობს ერთგვარი საზოგადოებრივი, საინფორმაციო-საკონსულტაციო მხარდაჭერის, ინტერაქტიული ურთიერთობების უზრუნველყოფის და მიზნობრივი პროექტების განმახორციელებელი ცენტრს.

თანამშრომლობის ფარგლებში  სამინისტროს მიზნობრივი პროგრამების პრეზენტაცია მუნიციპალიტეტის დონეზე ,,ქალთა ოთახებში’’ მოხდება, რაც სოფლად მცხოვრები მოსახლეობის ინფორმირებულობასა და პროგრამაში ჩართულობას უზრუნველყოფს. ,,ქალთა ოთახები’’ აჭარაში ,,კავკასიის ალიანსების პროგრამის’’ ფარგლებში შეიქმნა, რომელსაც საერთაშორისო ორგანიზაცია მერსი ქორფსი შვეიცარიის განვითარებისა და თანამშრომლობის ფარგლებში ახორციელებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან