ნადირაშვილი: ბადაშვილი გადაჰყავთ მთავარ პროკურატურაში, სადაც ჯერჯერობით ფარცხალაძის გავლენები შენარჩუნებულია

2017-06-05 15:53:23, 2414 ნახვა

პოლიტიკა კომენტარი

„ევროპული საქართველოს“ წევრის ირმა ნადირაშვილის განცხადებით, გიორგი ბადაშვილის გადაყვანა მთავარ პროკურატურაში ეს ნიშნავს, რომ ფარცხალაძეს ბიძინა ნამდვილად გაუწყრა და მას მოუწევს პოზიციების ნელ-ნელა დათმობა.

მისი თქმით ბადაშვილს პოზიციების დათმობა ამ მთავარ პროკურატურაში გადასვლის მიუხედავად მოუწევს, ხოლო ფარცხალაძე კანონის წინაშე პასუხს მაინც აგებს.

,,იმ ინფორმაციის საფუძველზე, რომელიც მე მაქვს ასე ვუყურებ ამ საკითხს. ის აკონტროლებს მთავარ პროკურატურას, აკონტროლებდა ფინანსურ სამსახურს ფინანსთა სამინისტროში. ეხლა ეს წრე მისთვის ვიწროვდება და ბადაშვილი გადაჰყავთ სწორედ მთავარ პროკურატურაში, სადაც ჯერჯერობით ფარცხალაძის გავლენები შენარჩუნებულია. ვთვლი, რომ მას პოზიციების დათმობა მაინც მოუწევს, მაგრამ მინდა ვთქვა, რომ სადაც არ უნდა გადაიყვანონ მისი კადრები, ფარცხალაძემ პასუხი უნდა აგოს კანონის წინაშე,’’ - განაცხადა ირმა ნადირაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან