ვიცე-პრემიერი, განათლებისა და მეცნიერების მინისტრი ალექსანდრე ჯეჯელავა მოსახლეობას დამოუკიდებლობის დღეს ულოცავს.

როგორც მინისტრმა აღნიშნა, ქართველ ადამიანს დამოუკიდებლობასა და თავისუფლებაზე მეტად არაფერი უყვარს.

„მოგილოცავთ დამოუკიდებლობის დღეს. მე მგონია, რომ ეს არის ჩვენი მთავარი დღესასწაული, რადგან თავისუფლებაზე მეტად ქართველ ადამიანს არაფერი უყვარს. ყველა სამინისტრო ძალიან მიხარია, რომ ლამაზად და კარგად არის წარმოდგენილი. ვესტუმრეთ სპორტის და სოფლის მეურნეობის სტენდებს. განათლების სამინისტრომ სცადა, რომ ბავშვებისთვის სახალისო ღონისძიებები მოეწყო. მინდა ყველას ვთხოვო, თუნდაც ცოტა ხნით ბავშვები მოიყვანონ, არაჩვეულებრივი გაკვეთილებია დაწყებული. დაწყებული რობოტების სწავლებით და დამთავრებული კალიგრაფიით. მთავარი რაც მინდა გითხრათ არის ის, რომ სწავლა ყველაზე მაგარი გართობაა“, - განაცხადა ჯეჯელავამ.

ცნობისთვის, 26 მაისის დღესასწაულთან დაკავშირებით განათლების სამინისტროს სტენდი რუსთაველის გამზირზე, პირველი გიმნაზიის წინ არის განთავსებული. „ექსპრესნიუსის“ კორესპონდენტის ინფორმაციით, ადგილზე წარმოდგენილია ინფორმაცია უძველესი ქართული დამწერლობის შესახებ, „ვეფხისტყაოსნის“ წიგნები. გარდა ამისა, მოწყობილია ღია საკლასო ოთახი, სადაც სკოლის მოსწავლეებისთვის სპეციალური სახალხო გაკვეთილები ტარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო