საქართველოს პარლამენტში კონსტიტუციის ახალი პროექტი დღეს ოფიციალურად დარეგისტრირდება.

რეგლამენტის თანახმად, ბიუროს სხდომაზე ინიცირების შემდეგ, საკანონმდებლო ორგანოში საერთო სახალხო განხილვების უზრუნველსაყოფად სპეციალური კომისია შეიქმნება. 

სწორედ კომისიამ უნდა წარმოადგინოს განხილვების გრაფიკი და ჩატარების ადგილი. კომისიას ერთი თვის ვადა აქვს და ის ვალდებულია საკანონმდებლო ორგანოს განხილვების ანგარიში წარუდგინოს. 

როგორც დეპუტატები აცხადებენ, პარალელურად ვენეციის კომისიის დასკვნას მიიღებენ. პარლამენტი დოკუმენტს 3 მოსმენით უყრის კენჭს. იმისთვის, რომ პროექტი ძალაში შევიდეს, მეორე და მესამე მოსმენებს შორის სამთვიანი დისტანცია უნდა იყოს. 

მმართველი გუნდის შეფასებით, წლის ბოლოს ახალ, დემოკრატიულ კონსტიტუციას მიიღებენ. საერთო სახალხო განხილვებში მონაწილეობას აქტიურად გეგმავს უმცირესობა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა