პოლონეთის პროკურატურა პრეზიდენტ ლეხ კაჩინსკის თვითმფრინავის ავიაკატასტროფის განზრახ პროვოცირებაში რუს დისპეტჩერებს ადანაშაულებს, - ამის შესახებ BBC იუწყება.

როგორც ვარშავაში გამართულ პრესკონფერენციაზე პოლონეთის გენერალური პროკურორის მოადგილე მარეკ პასიონეკმა განაცხადა, საპრეზიდენტო თვითმფრინავის Ту-154-ის ავარიის საქმეზე, მტკიცებულებების გამოკვლევის საფუძველზე, შეუძლიათ ივარაუდონ, რომ ავიაკატასტროფაში სმოლენსკის აეროპორტის 2 ავიადისპეტჩერია დამნაშავე.

ამასთან, როგორც პასიონოკმა აღნიშნა, სადისპეტჩერო კოშკურაზე მესამე ადამიანიც იმყოფებოდა, რომლის ვინაობა ჯერ დადგენილი არ არის.

„ჩვენ ეჭვი გვაქვს ორ დისპეტჩერზე, ასევე მესამე ადამიანზე, რომელთაც განზრახ მოახდინეს ავიაკატასტროფის პროვოცირება“, - აღნიშნა პროკურორის მოადგილემ.

„თვითმფრინავის ფრაგმენტებს ბრიტანეთის და ესპანეთის ლაბორატორიებში იკვლევენ. 2 დისპეტჩერს ბრალი წარედგინება ავიაკატასტროფის განზრახ პროვოცირებაში, მესამე პირის ვინაობა დგინდება. რუსეთის მხარეს იურიდიული მხარდაჭერის მოთხოვნით მივმართეთ“, - განაცხადა მთავარი პროკურორის კიდევ ერთმა მოადგილემ.

გარდა ამისა, პროკურატურის ინფორმაციით, ექსგუმაციის შედეგად დადგინდა, რომ 5 სასახლეში სხვა ადამიანების ცხედრებია მოთავსებული, კიდევ ორზე მიმდინარეობს ექსპერტიზა. არსებობს ეჭვი, რომ ცხედრები შეცვალეს. 

ცნობისთვის, 1 თვის წინ პოლონეთის თავდაცვის მინისტრის ანტონი მაცარევიჩის ინიციატივით პროკურატურამ გამოძიება დაიწყო, რათა ქვეყნის იმ დროინდელი პრემიერ-მინისტრის დონალდ ტუსკის გამოძიებაში ჩართულობა დაედგინათ. თავდაცვის მინისტრი მიიჩნევს, რომ დონალდ ტუსკი, რომელიც ახლა ევროკავშირის საბჭოს პრეზიდენტის თანამდებობას იკავებს, პრეზიდენტის გარდაცვალების შესახებ გამოძიებას არასათანადოდ ახორციელებდა. 

მედიის ინფორმაციით, პოლონელების 75% თვლის, რომ დონალდ ტუსკის კაბინეტმა ყველა ძალღონე არ გამოიყენა, როომ დაედგინა ავიაკატასტროფის მიზეზი. მოსახლეობის უმრავლესობა მიიჩნევს, რომ მომხდარზე პასუხისმგებლობა ოფიციალურ მოსკოვზეა. 

აღნიშნულ ბრალდებებს კრემლის პრეს-სპიკერი დმიტრი პესკოვი უკვე გამოეხმაურა და მათ აბსურდული უწოდა. 

შეგახსენებთ, რომ 2010 წლის 10 აპრილს საპრეზიდენტო თვითმფრინავმა, რომელშიც პოლონეთის იმდროინდელი პრეზიდენტი ლეხ კაჩინსკი და პოლონეთის მთავრობის დიდი ნაწილი იმყოფებოდა, სმოლენსკში ავიაკატასტროფა განიცადა. კატასტროფის შედეგად ქვეყნის პრეზიდენტი და კიდევ 95 ადამიანი დაიღუპა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა