შინაგან საქმეთა მინისტრის ყოფილ მოადგილზე გელა ხვედელიძის თავდასხმას მისი მეუღლე მარეხი ფერაძე შეესწრო.

როგორც ფერაძემ აღნიშნა, სახლიდან გამოსულ მის მეუღლეს ორი ნიღბიანი პირი დახვდა.

"სახლიდან გამოვედით და როგორც ჩანს, ელოდებოდა ორი ნიღბიანი. მეუღლე საუბრობდა ტელეფონზე და უცებ დაესხა ეს ორი ნიღბიანი თავს. არავითარი, არანაირი მუქარა არ ყოფილა, არ ვიცი გაოგნებული ვარ. სახლთან მოხდა, ორი ახალგაზრდა ბიჭი იყო. საერთოდ არაფერი არ უთქვამთ. სამი წუთით ადრე გამოვიდა ჩემი მეუღლე და მეც ჩამოვედი. კარები დავკეტე, ჩამოვედი და უცებ დაესხნენ თავს. შევესწარი და ვცდილობდი, რომ ეს ნიღაბი ჩამომეხსნა, ამ ბიჭისთვის, მაგრამ ვერ ვქენი უცებ გაიქცნენ. წიხლებს ურტყამდნენ", - განაცხადა ფერაძემ.

ინფორმაციას "რუსთავი 2" ავრცელებს.

შეგახსენებთ, რომ შინაგან საქმეთა მინისტრის ყოფილ მოადგილზე გელა ხვედელიძის ტავდასხმას მისი მეუღლე მარეხი ფერაძე შეესწრო. გამოძიება სსკ-ის 117-ე მუხლით დაიწყო, რაც სხეულის განზრახ მძიმე დაზიანებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს