საქართველოში დღეს   ნატო-ს დღეები იწყება, რომელიც მრავალფეროვანი გასართობ-შემეცნებითი  ღონისძიებებით გაიხსნება.

საინფორმაციო ცენტრი, თავისუფლების მოედანზე მდებარე შენობაში ყველა დაინტერესებულ სტუმარს ღია კარის დღეზე, 12:00 საათიდან ეპატიჟება.

ნატო-ს დღეების ფარგლებში დაგეგმილია ღონისძიება როგორც დედაქალაქში, ისე რეგიონებში, მათ შორის:

საჯარო შეხვედრები, ღია კარის დღეები, ერთი დღე ჯარში, სემინარი მასწავლებლებისთვის საოკუპაციო ხაზის გასწვრივ მდებარე სოფლებიდან,  ონლაინ-კონფერენციები, ტურნირი ფეხბურთი და სხვა.

„ნატო-ს დღეები საქართველოში წელს მეათედ ტარდება. მისი მიზანი გახლავთ საზოგადოების ინფორმირება ნატო-საქართველოს  ურთიერთობებზე. ამ ღონისძიებებს  ჩვენ ვატარებთ ევროპულ და ევროატლანტიკურ სტრუქტურებში ინტეგრაციის საკითხებში სახელწმიფო მინისტრის აპარატისა და  ნატო-ს სამეკავშირეო ოფისის ხელშეწყობით. დაგეგმილია უამრავი ღონისძიება როგორც თბილისში, ასევე რეგიონებში, სხვადასხვა სამიზნე ჯგუფებთან. ამ ღონისძიებებს ექნება როგორც შემეცნებითი და საგანმანათლებლო  ხასიათი, ასევე სახალისო პროგრამაც, რომელიც 2 აპრილს, გახსნის დღეს, იქნება, განსაკუთრებით ვეპატიჟებით ახალგაზრდებს; 2 აპრილს,  12:00 საათიდან, თავისუფლებაზე, ჩვენი ოფისის კარი ღია იქნება. მობრძანდით, გელოდებათ ძალიან საინტერესო პროგრამა“,-განუცხადა ჟურნალისტებს ნატო-სა და ევროკავშირის შესახებ საინფორმაციო ცენტრის დირექტორმა ნინო ბოლქვაძემ.

ნატოს დღეები ნატო-საქართველოს  სახალხო  დიპლომატიის  ფორუმით 11 აპრილს დასრულდება. ფორუმი ტრადიციულად ქალაქ ბრიუსელში იმართება, პარალელურად საქართველოში წელს მეორეჯერ ჩატარდება. ფორუმი სახალხო დიპლომატიასა და კომუნიკაციებზე  მსჯელობის  მნიშვნელოვან პლატფორმას წარმოადგენს. მასში მონაწილეობას ამ საკითხებზე  მომუშავე სამთავრობო სტრუქტურებისა და ნატო-ს შტაბ-ბინის, ასევე  ნატო-ს წევრი ქვეყნებიდან მოწვეული ექსპერტები მიიღებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს