იუსტიციის სამინისტროს ეროვნული არქივის პროექტი „ქართული ზღაპრები - აუდიობიბლიოთეკა" ახალი მიმართულებით გაგრძელდა. ათწლეულების წინათ ჩაწერილ ზღაპრების თანამედროვე მსახიობების წაკითხული 30-ზე მეტი ჩანაწერი დაემატება.

ეროვნულმა არქივმა საკუთარ ფონდებში დაცული, სტუდია „მელოდიას" მიერ 1960-80-იან წლებში ჩაწერილი 100-მდე ზღაპრის აუდიოჩანაწერი ინტერნეტში თავისუფალი წვდომით 2014 წელს გამოქვეყნა. პროექტს დიდი დაინტერესება მოჰყვა, ამიტომ მისი გაგრძელება და ახალი ჩანაწერების შექმნა გადაწყდა.

არქივის მოწვევით ბავშვებისათვის ზღაპრებს კითხულობენ  ქართული კინოსა და თეატრის ცნობილი მსახიობები - რუსუდან ბოლქვაძე, გია აბესალაშვილი, ქეთევან ჩხეიძე და რამაზ იოსელიანი. მათი ჩაწერა ეროვნული არქივის აუდიოსტუდიაში მიმდინარეობს.

ახალჩაწერილი ზღაპრები ეროვნული არქივის საიტზე - www.archives.gov.ge  და სოციალურ ქსელებში, ეროვნული არქივის ოფიციალურ არხებზე განთავსდება. ზღაპრები CD  ფორმატშიც გამოიცემა და ხელმისაწვდომი გახდება ეროვნული არქივის საგამოფენო პავილიონის მაღაზიაში.

ზღაპრებთან ერთად, იგეგმება ქართული დიაფილმის ტექსტის ჩაწერაც. არქივში 150-ზე მეტი დიაფილმი ინახება და ამჟამად მათი ციფრული ვერსიები მზადდება. ტექსტების აუდიოვერსია ნახატებს შეერწყმება, რაც ახალ სიცოცხლეს შესძენს 1970-80-იან წლებში პოპულარულ მულტიპლიკაციური ფილმების ერთგვარ ნაირსახეობას. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს