საქართველოს განათლებისა და მეცნიერების მინისტრის, ალექსანდრე ჯეჯელავას განცხადებით, პრემიერის ინიციატივის შესაბამისად, მედიაომბუდსმენის ინსტიტუტის გაჩენის შემხვევაში, ის უნდა იყოს ევროპელი და მედიის დაცვის საკითხებში ავტორიტეტი. 

როგორც ჯეჯელავამ აღნიშნა, პრემიერ მიერ შემოთავაზებული პლატფორმა უნდა იყოს იმისთვის, რომ საზოგადოებამ ალტერნატიული აზრი გაიგოს. 

"დღეს გავრცელებული ინფორმაცია იმის შესახებ, რომ საქართველოში მედიათავისუფლებას რაიმე საფრთხე ემუქრება, ჩვენი აზრით არ შეესაბამება სიმართლეს და არის დაფუძნებული არასრულ ანალიზზე. თუ საერთაშორისო საზოგადოება, ევროპელი ექსპერტები ჩაერთვებიან და ადგილზე გააანალიზებენ მედიაში არსებულ მდგომარეობას ყველა წუხილი, მათ შორის ის წუხილი, რომელზე დაფუძნებითაც სტრასბურგის სასამართლომ მიიღო შემაჩერებელი გადაწყვეტილება, ყველა საკითხს პასუხი გაეცემა. ჩვენს ევროპელ მეგობრებს აღარ ექნებათ ასეთი წუხილი. სახალხო დამცველი კი ჰქვია, მაგრამ კი არ უნდა დაიცვას, არამედ პლატფორმა უნდა იყოს იმისთვის, რომ ალტერნატიული აზრი იქნას გაგონილი საზოგადოების მიერ. შესაბამისად, უნდა დაიცვას შესაძლო საფრთხეებისგან. ჩვენ მივიჩნევთ, რომ ეს საფრთხეები არ არსებობს, თუმცა უნდა დარწმუნდნენ ჩვენი ევროპელი მეგობრები. დაახლოებით ვიცით კრიტერიუმები. ის უნდა იყოს ევროპელი და უნდა იყოს უდაო ავტორიტეტი მედიის უფლებების დაცვაში",- აღნიშნა ჯეჯელავამ.  

შეგახსენებთ, რომ საქართველოს პრემიერ-მინისტრი გიორგი კვირიკაშვილი მედიაომბუდსმენის ინსტიტუტის ჩამოყალიბების ინიციატივით გამოდის. პრემიერი სათანამშრომლოდ საერთაშორისო დონის მედიაექსპერტებს და სპეციალისტებს იწვევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა