„ნაციონალური მოძრაობის“ წევრმა ხატია დეკანოიძემ უზენაეს სასამართლოსთან შეკრებილ „რუსთავი2“-ის მხარდამჭერებს სიტყვით მიმართა.

მისი თქმით,  „რუსთავი2“-ის, როგორც თავისუფალი სიტყვის კუნძულის, არსებობა საქართველოში, ქვეყნის დემოკრატიული განვითარებისთვის  ძალიან მნიშვნელოვანია:

„დღეს მე არა მხოლოდ „რუსთავი2“-ს ვუსურვებ წარმატებას, არამედ მთლიანად საქართველოს, ვინაიდან „რუსთავი2“-ის არსებობა, როგორც თავისუფალი სიტყვის კუნძულის არსებობა საქართველოში, დღეს ყველაზე მნიშვნელოვანია ჩვენი ქვეყნის დემოკრატიული განვითარებისთვის. „რუსთავი2“-ის მეშვეობით ჩვენ გავიგეთ წარმოუდგენელი ზეწოლის შესახებ, რომელიც ხორციელდებოდა უზენაესი სამართლოს წევრებზე და უზენაესი სასამართლოს თავმჯდომარემ არ ატეხა განგაში, როდესაც მის კოლეგებზე ხორციელდებოდა ზეწოლა, „რუსთავი2“-ის მეშვეობით შევიტყეთ, რომ ქართველი ჯარისკაცების გადაცემა ოკუპანტებისთვის  თურმე დღევანდელ სიტუაციაში შესაძლებელია, მათი მეშვეობით შევიტყეთ, რომ თურმე სახელმწიფოს მთელი აპარატი მობილიზებულია, რომ საპატრიარქოში ჰქონდეს გარკვეული ჩარევის მცდელობა. ვიტყობთ ყველა იმ მნიშვნელოვან ინფორმაციას, რომელიც შეეხება გაუგონარ სიდუხჭირეს და ეკონომიკურ მდგომარეობას საქართველოში. ამიტომ „რუსთავი2“-ის არსებობა ძალიან მნიშვნელოვანია“,-განაცხადა ხატია დეკანოიძემ.

შეგახსენებთ, რომ უზენაესი სასამართლოს დიდი პალატა  დღეს ტელეკომპანია ”რუსთავი 2”-ისა და მისი მფლობელების, ძმებ ლევან და გია ყარამანიშვილების საკასაციო საჩივარს ზეპირი მოსმენის გარეშე განიხილავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი