2017-03-01 13:07:58, 2811 ნახვა
სამართალი კომენტარი
დეკანოზი გიორგი თევდორაშვილი: მამა გიორგი მამალაძე ზიარების მიღებას ითხოვს, რაც აკრძალული აქვს
საპატრიარქოს მსჯავრდებულებთან ურთიერთობის დეპარტამენტის დეკანოზ გიორგი თევდორაშვილის განცხადებით, მამა გიორგი მამალაძე ზიარების მიღების ითხოვს, თუმცა მას ეს ამ ეტაპზე აკრძალული აქვს.
როგორც მან ე.წ. მატროსოვის ციხეში, მამა გიორგის მონახულების შემდეგ ჟურნალისტებს განუცხადა, დეკანოზი დღეს თავს უკეთ გრძნობს.
„პირველ რიგში ის ითხოვს წმინდა ზიარების მიღებას, რაც მას აკრძალული აქვს და იმედი მაქვს, რომ მოგვცემენ უფლებას, მამა გიორგის ზიარების. ის თავს თვლის უდანაშაულოდ და ითხოვს ჩვენგან თანადგომას. იმედი მაქვს, ყველა მართლმადიდებელი ქრისტიანი მას ლოცვებში მოიხსენიებს. ჩვენი განსასჯელი არაა ის დამნაშავეა თუ არა“, - განაცხადა დეკანოზმა გიორგი თევდორაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
