უზენაეს სასამართლოსთან, სადაც „ნაციონალური მოძრაობის“ წარმომადგენლები და „რუსთავი 2“-ის მხარდამჭერები საპროტესტო აქციას მართავენ, ტელეკომპანიის წარმომადგენლები მივიდნენ.

სიტყვით გამოსვლისას „რუსთავი2“-ის გენერალური დირექტორის მოადგილე ზაალ უდუმაშვილმა აქციის მონაწილეებს მადლობა გადაუხადა და განაცხადა, რომ ხელისუფლება ტელეკომპანიის წინააღმდეგ ბოლო შტურმისთვის ემზადება.

 “დიდი მადლობა, რომ ასე ერთხმად გვიჭერთ მხარს. თქვენ, ყველა ძალიან კარგად აცნობიერებთ, თუ რა პროცესებთან გავქვს საქმე.  ხელისუფლება ბოლო შტურმისთვის ემზადება „რუსთავი 2“-ის წინააღმდეგ. მათ ყველა ბერკეტი გამოიყენეს, სასამართლო სისტემა გასვარეს.  ყველას გვახსოვს ურთმელიძის ნაჯახის და დედამისის ისტორია, ახლა უკვე ნაზღაიძის ისტორია. ჩვენ ერთიანობით შევძლებთ ამ არხის აგდარჩენას. მათ გასაგონად, ვისაც არ უყვარს ეს არხი: შეიძლება ეს არხი არ გიყვარდეს, მაგრამ უნდა გესმოდეს, რომ ეს არის ქვეყნის დემოკრატიული ღირებულებების დასამარება. არ იქნება ჩიტების და მაგნოლიების ჭიკჭიკი.  შევძლებთ ერთხმად, თქვენი დახმარებით, ამ არხის გადარჩენას”, –  განაცხადა ზაალ უდუმაშვილმა სიტყვით გამოსვლისას.

ცნობისთვის, უზენაეს სასამარლოსთან „ერთიანი ნაციონალური მოძრაობა“ ტელეკომპანია „რუსთავი 2“-ის მხარდამჭერ აქციას მართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში