"საზოგადოებრივი მაუწყებლის" წინ მიმდინარე საპროტესტო აქციას თსუ-ის "აუდიტორია 115"-ის სტუდენტები შემოუერთდნენ, რომლებიც აცხადებენ, რომ საზოგადოებრივი მაუწყებელი არის როგორც მათთვის, ისე ყველა დასაქმებული ადამიანის ტრიბუნა. 

როგორც "ექსპრესნიუსის" კორესპონდენტი ადგილიდან იუწყება, აქციაზე ასევე მივიდნენ "ფრესკოდან" და "ბიბლუსიდან" გათავისუფლებული თანამშრომლები და სხვადასხვა ორგანიზაციებიდან გამოშვებული ადამიანები. 

საპროტესტო აქციაზე სიტყვით გამოვიდა ახალგაზრდა იურისტთა ასოციაციის თავმჯდომარე ანა ნაცვლიშვილი, რომელმაც განაცხადა, რომ მენეჯმენტი უშვებს უმძიმეს შეცდომას, რომლის გამოსწორება იქნება გვიან და რომლის შედეგები აუცილებლად აისახება ქვეყანაზე. 

მაუწყებლის შენობის წინ მიმდინარე აქციაზე იმყოფებიან მედიაექსპერტებიც. ია დანელიას შეფასებით, ხელისუფლებას სრულიად ქართულ მედიაზე სურს კონტორლი, რათა საარჩევნო წელი გადააგოროს მისთვის სასურველი შედეგებით. მისივე განცხადებით, საზოგადოება ვასილ მაღლაფერიძეს, უფრო ზუსტად, ბიძინა ივანიშვილს არ მისცემს საშუალებას ჩაკლას თავისუფალი სიტყვა და აზრი. საპროტესტო აქციაზე გამოვიდა საზოგადოებრივი მაუწყებლის რამდენიმე თანამშრომელიც, თუმცა ისინი აქციაზე სიტყვით არ გამოსულან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen