2017-02-01 21:35:11, 2863 ნახვა
ეკონომიკა
გიორგი კაკაურიძე: კონსტიტუციაში ცვლილების ინიცირება არ იგეგმება
კონსტიტუციაში ცვლილების ინიცირება, რომელიც დაკავშირებულია საგადასახადო კანონმდებლობის შეზღუდვებთან, არ იგეგმება, - ამის შესახებ ფინანსთა მინისტრის მოადგილე გიორგი კაკაურიძემ განაცხადა.
მისი თქმით, არ იგეგმება ცვლილებების ინიცირება საქართველოს კონსტიტუციაში, რომელიც უკავშირდება ახალი სახის საერთო-სახელმწიფოებრივი გადასახადის შემოღებას ან არსებული გადასახადის განაკვეთის ზრდისთვის რეფერენდუმის გაუქმებას.
„დღევანდელი კანონმდებლობა სრულ თანხვედრაშია იმ მიზნებთან, რომელიც დასახულია ეკონომიკური განვითარების სტრატეგიით და ამდენად, ამ მიმართულებით ცვლილების განხორციელება არ იგეგმება,“ - განაცხადა ფინანსთა მინისტრის მოადგილე გიორგი კაკაურიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
