საქართველოს საელჩოს და ვილნიუსის უნივერსიტეტის საერთო პროექტის - ქართული ენისა და კულტურის შემსწავლელი კურსის პირველი სემესტრის შემაჯამებელი შეხვედრა გაიმართა.

საგარეო საქმეთა სამინისტროს ინფორმაციით, ლიტველ სტუდენტებს ქართული ენის ცოდნის დონის დამადასტურებელი სერტიფიკატები გადაეცათ.

უწყების ინფორმაციით, ქართული ენითა და კულტურით დაინტერესებულ სტუდენტებს სემინარის წარმატებით დასრულება ლიტვაში საქართველოს საგანგებო და სრულუფლებიანმა ელჩმა ხათუნა სალუქვაძემ და ვილნიუსის უნივერსიტეტის უცხო ენათა ინსტიტუტის დირექტორმა რომა კრიაუჩიუნიენემ მიულოცეს.

ელჩთან შეხვედრისას სტუდენტებმა საქართველოსა და ლიტვის ეროვნული ჰიმნები და  ქართული სიმღერები შეასრულეს. 

ქართული ენისა და კულტურის შემსწავლელ კურსზე სტუდენტები ქართულად საუბრისა და კომუნიკაციის უნარებს ეუფლებიან და  აგრეთვე იღებენ ინფორმაციას ქართული კულტურის, ისტორიის და თანამედროვე ცხოვრების შესახებ. აღსანიშნავია, რომ კურსზე დასწრება თავისუფალია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს