2017-01-31 14:25:23, 1058 ნახვა
საზოგადოება
მერიასთან „ბავშვთა სამყაროს“ ქვედა ბაზრობის მოვაჭრეები აქციას მართავენ
თბილისის მერიასთან „ბავშვთა სამყაროს“ ქვედა ბაზრობის მოვაჭრეები აქციას მართავენ.
აქციის მონაწილეები აცხადებენ, რომ დედაქალაქის ხელისულფება მათ ყურადღებას არ აქცევს. ისინი თბილისის მერთან, დავით ნარმანიასთან შეხვედრას ითხოვენ.
„ექსპრესნიუსის“ კორესპონდენტის ინფორმაციით, დაცვის ერთ-ერთმა თანამშრომელმა აქციის სამი მონაწილე მერის მოადგილესთან შესახვედრად შენობაში შეუშვა.
ამასთან, ცოტა ხნის წინ აქციის მონაწილეებსა და მერიის დაცვის თანამშრომლებს შორის სიტყვიერი დაპირისპირებაც მოხდა, თუმცა ვითარება მალევე განიმუხტა.
ადგილზე მობილიზებულია საპატრულო პოლიცია. აქციაზე „ბავშვთა სამყაროს“ 50-მდე მოვაჭრე იმყოფება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
