„საქართველოს პრეზიდენტთან პირადად მე, არანაირი კინკლაობის და რაიმე სხვა სახის დაპირისპირების სურვილი არ მაქვს“,-ამის შესახებ პარლამენტის თავმჯდომარემ ირაკლი კობახიძემ პლენარულ სხდომაზე განაცხადა.

კობახიძის თქმით, ის შემართულია იმისთვის, რომ პრეზიდენტთან აბსოლუტურად კონსტრუქციული თანამშრომლობა ჰქონდეს.

„ შემოთავაზება საჯაროდ  იყო გაკეთებული კონკრეტულ ფორმატთან დაკავშირებით. კონსულტაციების გარეშე გაკეთდა ეს შემოთავაზება. შესაბამისად ჩვენ არ დაგვრჩა სივრცე არც კონსულტაციებისთვის  და გამომდინარე იქიდან, რომ ფორმატი იყო ჩვენი აზრით აბსოლუტურად არარაციონალური და  შესაბამისობაში არ იყო ეს ფორმატი კონსტიტუციის ლოგიკასთან. აქედან გამომდინარე ჩვენ არ შეგვეძლო ამ ფორმატზე დათანხმება.

საჯაროდ როცა კეთდება შემოთავაზება, შენც საჯაროდ უნდა უპასუხო. კონსულტაციის გარეშე წამოვიდა ეს შემოთავაზება.  პრაქტიკულად  ერთგვარი ულტიმატუმი გაჩნდა. ან უნდა დაგვეკმაყოფილებინა  ან გამოდიოდა რომ ჩვენ უარვყოფდით პრეზიდენტის ინიციატივას. სხვა სივრცე ჩვენ არ გვქონდა.  ეს იყო რეალურად პოზიციის ერთადერთი საფუძველი.

საქართველოს პრეზიდენტთან არც კინკლაობის ან სხვა სახით დაპირისპირების სურვილი არ მაქვს.  ჩვენ ვართ  შემართული იმისთვის რომ გვქონდეს აბსოლუტურად კონსტრუქციული თანამშრომლობა. ჩვენ პრეზიდენტთან ბევრ სხვა სფეროში დაგვჭირდება მუდმივი თანამშრომლობა“,-განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო