ევროპარლამენტის პრეზიდენტმა, მარტინ შულცმა საქართველოს პრემიერ-მინისტრს, გიორგი კვირიკაშვილს არჩევნებში მიღწეული გამარჯვება მიულოცა, - შესაბამისი განცხადება მარტინ შულცმა საქართველოს პრემიერ-მინისტრთან შეხვედრის შემდეგ გააკეთა.

„მსურს, მადლობა გადავუხადო პრემიერ-მინისტრ კვირიკაშვილს შინაარსიანი და ნაყოფიერი შეხვედრისთვის. ეს ჩვენი პირველი პირისპირ შეხვედრაა, თუმცა ტელეფონით ინტენსური კომუნიკაცია გვქონდა. მინდა, მივულოცო პრემიერ-მინისტრს არჩევნებში მიღწეული დიდი გამარჯვება. ვფიქრობ, ეს განსაკუთრებული შედეგია. გულწრფელად ვისურვებდი, რომ მეც მქონოდა ასეთი საარჩევნო წარმატება. ეს შესანიშნავია“,-აღნიშნა შულცმა ბრიუსელში.

ამასთან, შულცის განცხადებით, ევროპარლამენტმა საქართველოში არჩევნების ორგანიზებასთან დაკავშირებით კმაყოფილება გამოთქვა.

"ევროპარლამენტის სადამკვირვებლო მისიამ, რომელიც ჩემი კოლეგებით იყო დაკომპლექტებული, მაღალი შეფასება მისცა საარჩევნო პროცესს თქვენს ქვეყანაში.", - განაცხადა შულცმა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა