ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე საქართველოს ნატო-ში ინტეგრაციის საკითხებზე საზოგადოებრივ მრჩეველთა საბჭოს წევრებს შეხვდა.

სახელმწიფო მინისტრის აპარატის ინფორმაციით, შეხვედრაზე დავით ბაქრაძემ ხაზი გაუსვა ნატო-ში ინტეგრაციის შესახებ საზოგადოებისთვის ინფორმაციის მიწოდების პროცესში სამოქალაქო საზოგადოების წარმომადგენლებთან თანამშრომლობისა და მათი ჩართულობის მნიშვნელობას. 

საზოგადოებრივ მრჩეველთა საბჭოს წევრებთან დავით ბაქრაძემ საქართველოს 2015 წლის წლიური ეროვნული პროგრამით გათვალისწინებული უმთავრესი პრიორიტეტებისა და მათი წარმატებით განხორციელების მნიშვნელობაზე ისაუბრა. სახელმწიფო მინისტრმა ყურადღება გაამახვილა ნატო-საქართველოს არსებითი პაკეტის განხორციელების მიმდინარეობაზე. განსაკუთრებული აქცენტი გაკეთდა ნატო-საქართველოს ერთობლივი წვრთნისა და შეფასების ცენტრის ამოქმედების პროცესზე.

ცნობისთვის, საქართველოს ნატო-ში ინტეგრაციის საკითხებზე საზოგადოებრივ მრჩეველთა საბჭო 2005 წელს შეიქმნა. მრჩეველთა საბჭოს მუშაობაში არასამთავრობო ორგანიზაციების, აკადემიური წრეების, მედიის წარმომადგენლები და დამოუკიდებელი ექსპერტები მონაწილეობენ. საზოგადოებასთან აქტიური დიალოგის მიზნით შეხვედრები პერიოდულად იმართება, სადაც საქართველოს ნატო-ში ინტეგრაციის პრიორიტეტული და სხვა აქტუალური საკითხები განიხილება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო