ლევან ბოძაშვილი ბრიუსელში ჯეიმს აპატურაის შეხვდა

2016-10-28 14:37:29, 637 ნახვა

პოლიტიკა

საქართველოს ეროვნული უშიშროების საბჭოს მდივნის მოადგილე ლევან ბოძაშვილი ბრიუსელში NATO-ს გენერალური მდივნის სპეციალურ წარმომადგენელს სამხრეთ კავკასიასა და ცენტრალურ აზიაში ჯეიმს აპატურაის შეხვდა.

უშიშროების საბჭოს აპარატის ინფორმაციით, შეხვედრაზე საქართველო-NATO-ს თანამშრომლობასთან დაკავშირებულ საკითხებზე იმსჯელეს. განსაკუთრებული ყურადღება დაეთმო ნატო-ს ვარშავის სამიტზე მიღებული გადაწყვეტილებების აღსრულების თემას. კერძოდ, უშიშროების საბჭოს მდივნის მოადგილემ და ნატო-ს ოფიციალურმა წარმომადგენელმა დეტალურად განიხილეს შავიზღვის რეგიონში ჩრდილოატლანტიკური ალიანსის წარმომადგენლობის გაძლიერებასთან დაკავშირებული საკითხები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან