რეჟისორი ნუგზარ ლორთქიფანიძე გარდაიცვალა

2016-10-26 19:03:26, 996 ნახვა

საზოგადოება

75 წლის ასაკში, რეჟისორი ნუგზარ ლორთქიფანიძე გარდაიცვალა. რეჟისორი თბილისის ოპერისა და ბალეტის სახელმწიფო თეატრში ტარივერდიევის საიუბილეო საღამოზე დასასწრებად შვილთან ერთად იმყოფებოდა, რა დროსაც შეუძლოდ გახდა, მისი გადარჩენა ვერ მოხერხდა.

დაამთავრა თბილისის სახელმწიფო თეატრალური ინსტიტუტის სარეჟისორო ფაკულტეტი 1976 წელს. 1976-1983წწ. იყო თელავის დრამატული თეატრის მთავარი რეჟისორი; 1983-1996წწ. საქართველოს ტელევიზიის, კინომსახიობთა თეატრის რეჟისორი, თბილისის სახელმწიფო თეატრალური ინსტიტუტის მსახიობის ოსტატობის და რეჟისურის კათედრის დოცენტი; 1996 წლიდან თეატრის მოღვაწეთა კავშირის დრამატული თეატრების განყოფილების გამგე, ქუთაისის ოპერისა და დრამატული თეატრის მთავარი რეჟისორი. დადგმული აქვს 60 მეტი სპექტაკლი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან