საქართველოში მმართველი პარტია საპარალამენტო არჩევნების ეგზიტპოლებში ლიდერობს“,-ამ სათაურით აქვეყნებს სტატიას გავლენიანი ამერიკული გამოცემა Financial Times.

როგორც სტატიაშია ნათქვამი, ორი ეგზიტპოლის თანახმად, საქართველოს მმართველი პარტია ლიდერობს არჩევნებში, რომლებიც შაბათს, ზოგადად, მშვიდობიან გარემოში ჩატარდა, რაც კიდევ ერთხელ ადასტურებს ქვეყნის, როგორც რეგიონში დემოკრატიის მედროშის სტატუსს.

ამასთან, სტატიის ავტორი წერს, რომ წინასაარჩევნო კამპანიის მთავარი თემა   ბიძინა ივანიშვილს  და მიხეილ სააკაშვილს  შორის პაექრობა იყო.

„ეგზიტპოლების მონაცემების დადასტურების შემთხვევაში, რომლებშიც ლიდერობს ქართული ოცნება, ჩაიშლება ბატონი სააკაშვილის გეგმები ერთიანი ნაციონალური მოძრაობის გამარჯვების შემთხვევაში საქართველოში დაბრუნებასთან დაკავშირებით.
შაბათს საღამოს ბატონმა ივანიშვილმა, რომელიც ოფიციალურად წავიდა პოლიტიკიდან ჯერ კიდევ 2013 წელს, მაგრამ დღესაც ბევრის მიერ განიხილება, როგორც მმართველი ქართული ოცნების რეალური მმართველი, მიულოცა თავის მხარდამჭერებს, მისივე თქმით, „დიდი გამარჯვება“. ხსენებული ორი ეგზიტპოლის შედეგები რადიკალურად განსხვავდება ერთმანეთისგან, როცა საქმე ეხება ივანიშვილის ქართული ოცნების პარტიისა და მეორე ადგილზე გასული მოწინააღმდეგის მონაცემთა შორის სხვაობას. მეორე მხრივ, ორივე ეგზიტპოლი, ნაციონალურ მოძრაობასთან დაკავშირებული რუსთავი 2-ის მიერ შეკვეთილი გამოკითხვის ჩათვლით, ადასტურებს, რომ არჩევნებში იგებს სწორედ ქართული ოცნება, როგორც ეს წინასაარჩევნო პერიოდში ივარაუდეს ანალიტიკოსებმა. არჩევნების შედეგები, სავარაუდოდ, არ იქონიებს გავლენას საქართველოს პროდასავლურ საგარეო პოლიტიკაზე, რადგანაც როგორც ქართული ოცნება, ისე ნაციონალური მოძრაობა ემხრობა დასავლეთთან კავშირების განმტკიცებას. 2014 წელს თბილისმა ხელი მოაწერა ევროკავშირთან ასოცირების ხელშეკრულებასა და თავისუფალი ვაჭრობის შეთანხმებას. დასავლელი დიპლომატები და ბევრი ქართველიც გამოთქვამენ იმედს, რომ თუკი დადასტურდა ქართული ოცნების გამარჯვება, როგორც ივანიშვილი, ისე სააკაშვილი დატოვებს ქვეყნის პოლიტიკურ ცხოვრებას, რითაც დასრულდება კიდეც ეს მწვავე პირადი დაპირისპირება, რომელიც ლაიტმოტივად გასდევს ქართულ პოლიტიკას 2012 წლიდან, როცა ივანიშვილმა დააარსა ქართული ოცნება სააკაშვილის ძალაუფლებიდან ჩამოშორების გაცხადებული მიზნით“,-აღნიშნულია სტატიაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში