რუსეთსა და სამხრეთ ოსეთს შორის ე.წ. ხელშეკრულებას 18 მარტს გააფორმებენ

2015-03-12 15:36:14, 440 ნახვა

პოლიტიკა

რუსეთის ფედერაციასა და ოკუპირებულ სამხრეთ ოსეთს შორის „მოკავშირეობისა და ინტეგრაციის შესახებ" ე.წ. ხელშეკრულებას 18 მარტს მოსკოვში გააფორმებენ.

ამის შესახებ ინფორმაციას რუსული მედია ავრცელებს.

მოკავშირეობისა და ინტეგრაციის შესახებ ხელშეკრულებას რუსეთის ფედერაციის პრეზიდენტი ვლადიმერ პუტინი და ოკუპირებული სამხრეთ ოსეთის პრეზიდენტი ლეონიდ თიბილოვი ხელს მოაწერენ.

როგორც ვლადიმერ პუტინის პრესსამსახურში განაცხადეს, გავრცელებული ინფორმაცია, რომლის თანახმადაც ე.წ. ხელშეკრულების გაფორმება გადაიდო სიმართლეს არ შეესაბამება.

ცნობისთვის, რუსულ პრესაში გუშინ გავრცელდა ინფორმაცია, რომ ხელშეკრულების ხელმოწერა გაურკვეველი ვადით გადაიდო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან