ფინანსთა მინისტრი ნოდარ ხადური საერთაშორისო სარეიტინგო კომპანია „FitchRatings"-ის წარმომადგენლებს, ალექს მასკატელისა (Alex Muscatelli) და პოლ გეიმბლის (Paul Gamble) შეხვდა.
 
შეხვედრაზე განიხილეს საქართველოსა და რეგიონში არსებული მაკროეკონომიკური ვითარება და საქართველოს ეკონომიკური პოლიტიკის ძირითადი მიმართულებები.
 
ფინანსთა მინისტრმა სარეიტინგო კომპანიის წარმომადგენლებს მთავრობის ოთხპუნქტიანი გეგმა გააცნო, რომელმაც ხელი უნდა შეუწყოს ბიზნესის განვითარებას, უცხოური და შიდა ინვესტიციების მოზიდვას ქვეყანაში, მათ შორის, საუბარი შეეხო საგადასახადო მიმართულებით განხორციელებულ რეფორმას, რომელიც 2017 წლის 1-ლი იანვრიდან მოგების გადასახადის ე.წ. ესტონური მოდელის დანერგვას ითვალისწინებს.
 
ამჟამად, საერთაშორისო სარეიტინგო კომპანია FitchRatings-ის რეიტინგში საქართველოს BB - Stable აქვს მინიჭებული.
 
სამუშაო ვიზიტის ფარგლებში, სტუმრები შეხვედრებს გამართავენ როგორც საჯარო, ისე კერძო სექტორის წარმომადგენლებთან.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან