თბილისის მერიასთან, "დავით თარხან-მოურავის, ირმა ინაშვილის, პატრიოტთა ალიანსის" საპროტესტო აქცია მიმდინარეობს.

"დაუხარჯავი 22 მილიონი, თბილისის პრობლემების მოსაგვარებლად", "ჩვენც გვაქვს ჯანსაღი ცხოვრების უფლება", "მოვითხოვთ ავარიული კორპუსების რეაბილიტაციას", "არ გვინდა კონცერტი, დაგვიგეთ გზები, ჩვენც ადამიანები ვართ"; "გზებს მიხედე ნარმანია", - ამ ტრანსპარანტებით "პატრიოტთა ალიანსის" თბილისის მაჟორიტარობის კანდიდატები და აქციის მონაწილეები, თბილისის გარეუბნებში ინფრასტრუქტურული პრობლემების მოგვარებას ითხოვენ.

როგორც აქციის ერთ-ერთი ორგანიზატორი და პარტიის წარმომადგენელი, კახა კუკავა აღნიშნავს, თბილისის მერს 22 მილიონი ლარი კაბინეტში გაუხარჯავი უდევს.

"აქ შეკრებილი ვართ "პატრიოტთა ალიანსის" თბილისის მაჟორიტარობის კანდიდატები, გარეუბნებიდან, სადაც უფრო მწვავე არის კომუნალური პრობლემები. ჩვენ ვითხოვთ თბილისის მერიისგან, რომ თბილისის ბიუჯეტი დაიხარჯოს ამ პრობლემებზე. თბილისის მერს 22 მილიონი ლარი გაუხარჯავი უდევს. ნარმანია დღეს სპეციალურად გაიქცა, რომ აქციის მონაწილეებს არ შეხვედროდა და დასეირნობს ამჟამად ვარშავის ქუჩებში. ამიტომ ჩვენ მოვითხოვთ, რომელიმე მოადგილესთან შეხვედრას", - განაცხადა კუკავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება