სოფლის მეურნეობის მინისტრის პირველი მოადგილე ნოდარ კერესელიძე დონორთა საკოორდინაციო საბჭოს ფარგლებში სასოფლო-სამეურნეო პროდუქციის ღირებულებათა ჯაჭვის სამუშაო ჯგუფის წევრებს შეხვდა.

სოფლის მეურნეობის სამინისტროს ინფორმაციით, შეხვედრას ევროკავშირის, შვეიცარიის კონფედერაციის თანამშრომლობის ოფისის (SDC), ამერიკის შეერთებული შტატების განვითარების სააგენტოს (USAID/REAP;USAID/ZRDA), ავსტრიის განვითარების სააგენტოს (ADA), გაეროს სურსათისა და სოფლის მეურნეობის ორგანიზაციის (UN FAO), სოფლის მეურნეობის საერთაშორისო ფონდის (IFAD), ჩეხეთის და ჰოლანდიის საელჩოების წარმომადგენლები ესწრებოდა.

უწყების ინფორმაციით, შეხვედრაზე ნოდარ კერესელიძემ სოფლის მეურნეობის დარგის განვითარებაში ღირებულებათა ჯაჭვის მნიშვნელობის საკითხზე გაამახვილა ყურადღება და ძირითადი დონორი ორგანიზაციების და ამ დონორების მიერ დაფინანსებული პარტნიორების საქმიანობის პროგრესით დაინტერესდა.

მინისტრის პირველმა მოადგილემ სამუშაო ჯგუფის წევრებს  სოფლის მეურნეობის განვითარების მხარდამჭერი პროგრამები გააცნო და აღნიშნა, რომ მთავრობისა და საერთაშორისო დონორი ორგანიზაციების ერთობლივი, კოორდინირებული მუშაობით მიღებული შედეგები გაცილებით ეფექტიანია.

შეხვედრაზე სამუშაო ჯგუფის წევრებმა სასოფლო-სამეურნეო პროდუქციის ღირებულებათა ჯაჭვის განვითარების მიმართულებით მიმდინარე ღონისძიებებზე ისაუბრეს. მხარეებმა აღნიშნული მიმართულებით სამინისტროს მიერ განსაზღვრულ პრიორიტეტებზე იმსჯელეს და ხაზგასმით აღნიშნეს, რომ თანამშრომლობა სისტემური, საჭიროებებზე დაფუძნებული იქნება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა