2016-07-30 12:30:39, 1200 ნახვა
სამართალი
აფეთქების შესახებ მუქარის შემცველი ინფორმაციის გავრცელების გამო, პანკისში 23 წლის ახალგაზრდა დააკავეს
თბილისში აფეთქების შესახებ მუქარის შემცველი ინფორმაციის გავრცელების გამო, პანკისში 23 წლის ახალგაზრდა დააკავეს.
ამის შესახებ „ექსპრესნიუსს“ პანკისის ხეობაში მცხოვრებმა, სულხან ბორძიკაშვილმა განუცხადა.
მისი თქმით დაკავება გუშინ მოხდა.
ცნობისთვის, ახალგაზრდამ რამდენიმე დღის წინ სოციალურ ქსელში მუქარის შემცველი ტექსტი და ფოტო გამოაქვეყნა, რის საფუძველზეც კონტრტერორისტულმა ცენტრმა გამოძიება დაიწყო.
სუს-ის საზოგადოებასთან ურთიერთობის სამსახურში დაკავების შესახებ ინფორმაციას არც უარყოფენ და არც ადასტურებენ. როგორც „ექსპრესნიუსს“ განუცხადეს, საქმეზე საგამოძიებო მოქმედებები მიმდინარეობს და დეტალები მოგვიანებით გახდება ცნობილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
