სამართალდამცველების ცნობით, მიუნხენში მომხდარი ტერაქტის შედეგად გარდაცვლილთა რაოდენობამ 10-მდე გაიზარდა, - ამის შესახებ ABC იუწყება.

როგორც მიუნხენის პოლიციის უფროსმა, ჰუბერტუს ანდრემ განაცხადა, დაღუპულთა შორის 3 კოსოვოდან არის, 3 თურქეთიდან და 1 საბერძნეთიდან. დაშავებულებს შორის არიან მცირეწლოვანი ბავშვები. რამდენიმე დაშავებულის მდგომარეობა კრიტიკულად მძიმეა. 

ანდრეს თქმით, გარდაცვლილთა შორის ორი 15 წლის მოზარდია, კიდევ სამი არის 14 წლის, ერთი გარდაცვლილი 17 წლისაა, ორი 19 და 20 წლის, კიდევ ერთი 45 წლის მამაკაცია. მე-10 გარდაცვლილი თავად თავდამსხმელია.

შეგახსენებთ, რომ გუშინ მიუნხენში, სავაჭრო ცენტრ "ოლიმპიასთან" უცნობმა მამაკაცმა მოსახლეობას ცეცხლი გაუხსნა, რის შედეგადაც 9 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება.

ცნობისთვის, თავიდან ვრცელდებოდა ინფორმაცია, რომ თავდასხმაში 3 ადამიანი მონაწილეობდა.

გავრცელებული ინფორმაციით, სავაჭრო ცენტრში ცეცხლი 18 წლის ირანელმა ახალგაზრდამ გახსნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა