ამდენი ინფრასტრუქტურული პროექტი პოლიტიკურ ოპოზიციას სიზმარშიც არ უნახავს,-ამის შესახებ საქართველოს ფინანსთა მინისტრმა ნოდარ ხადურმა მთავრობის სხდომის დასრულების შემდეგ ჟურნალისტებს განუცხადა.
მისივე თქმით, 2015 წლის ბიუჯეტის შესრულების მაჩვენებელი რეკორდულად მაღალია. მინისტრის მტკიცებით, ყველა პროექტი, რომელიც დაწყებულია, შესრულდება.
"მინდა კომენტარი გავაკეთო 2015 წლის ბიუჯეტის შესრულებასთან დაკავშირებით, რეკორდულად მაღალია ეს მაჩვენებელი, საქართველოს ყველა წელთან შედარებით, მათ შორის 2014 წელთან შედარებითაც, მათ შორის ინფრასტრუქტტურული პროექტების ნაწილში არის გადაჭარბება, ორჯერ მეტია, ვიდრე შარშან. ამდენი ინფრასტრუქტურული პროექტი არ განხორციელებულა არასოდეს, სიზმარშიც არ უნახია პოლიტიკურ ოპოზიციას. მინდა ყველა დავარწმუნო, დავამშვიდო, რომ ყველა პროექტი, რომელიც დაწყებულია, იგეგმება, შესრულდება. მიუხედავად იმისა, ამ წუთას რა მდგომარეობაა.  მიუხედავად იმისა, რომ ჩვენ ვგეგმავთ ბიუჯეტში შევამციროთ მიმდინარე ხარჯები, ეს არავითარ შემთხვევაში არ შეეხება სოციალურ და ინფრასტრუქტურულ ხარჯებს",-აღნიშნა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: წელიწადნახევრის წინ ჩაძირული რუსული გემი შესაძლოა ჩრდილოეთ კორეისკენ მიემართებოდა, რომელსაც ბირთვული რეაქტორები გადაჰქონდა

რუბიო ჩინეთში სხვა სახელით გაფრინდა, რათა თავი აერიდებინა პეკინის დაწესებული სანქციებისთვის

ტრამპმა უარყო პუტინთან დონბასის რუსეთისთვის დათმობასთან დაკავშირებით რაიმე შეთანხმების არსებობა

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი