"ადამიანის უფლებების სწავლებისა და მონიტორინგის ცენტრისა" და "ტოლერანტობისა და მრავალფეროვნების ინსტიტუტის" [EMC-ის და TDI] კვლევის თანახმად 2014-2015 წლებში მუნიციპალიტეტების მიერ მართლმადიდებლური ეკლესიისთვის გადაცემული თანხებიდან სოციალურ მომსახურებაზე 1%-ზე ნაკლები დაიხარჯა.

კვლევის თანახმად, 2014 წელს ქველმოქმედებაზე თანხების 0.6 %, ხოლო 2015 წელს - 0.17 % დაიხარჯა.

არასამთავრობო ორგანიზაციები აღნიშნავენ, რომ პროცენტულად მუნიციპალიტეტების მიერ ეკლესიისთვის გადაცემული სახსრებიდან ყველაზე დიდი თანხა ეკლესიების მშენებლობა/რესტავრაციას და ინფრასტრუქტურის გაუმჯობესებას მოხმარდა.

კვლევის თანახმად, 2014-2015 წლებში საქართველოს საპატრიარქოსა და მისი იურიდიული პირებისთვის გადაცემული 25.6 მილიონიდან 60 პროცენტზე მეტი, 15.5 მილიონი ლარი, თანამშრომელთა ხელფასებში, პრემიებში, დანამატებსა და ჰონორარებში დაიხარჯა.

ცნობისთვის, "ადამიანის უფლებების სწავლებისა და მონიტორინგის ცენტრისა" და "ტოლერანტობისა და მრავალფეროვნების ინსტიტუტის" კვლევა დღეს გამოქვეყნდა.

არასამთავრობო ორგანიზაციების კვლევა 2014-2015 წლებში სახელმწიფოს ბიუჯეტიდან რელიგიური გაერთიანებებისთვის გადაცემული ფინანსური რესურსებისა და სხვა მატერიალური ქონების მასშტაბსა და მიზნობრიობას აანალიზებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით